FAQ - Algemien

Wannear is de feriening telefoanysk berikber?

De rayonhaden komme byinoar om te oerlizzen oer de dikte en tastân fan it iis oer de hiele Alvestêderûte. Der is dus net reden om byinoar te kommen as wannear’t der al in flinke iisflier leit.

Jo kinne allinnich meidwaan oan'e Alvestêdetocht  as jo lid binne fan ús feriening en boppedat gjin wachtlistlid mear binne, mar ridend lid. Dat kinne jo – mitsdat jo al lid fan ús feriening binne – neigean troch jo persoanlike side te rieplachtsjen fia Login voor Leden As jo net oan dizze betingsten foldogge, dan kinne jo net oan in eventuele tocht meidwaan. Jo kinne jo it hiele jier oanmelde foar in lidmaatskip fan ús feriening en jo wurde dan op folchoarder fan binnenkomst op de wachtlist pleatst.

Spitigernôch is it net mooglik om jo in nij Alvestêdekrúske jaan te kinnen, ek net tsjin betelling.

De tegeltsjebrêge is in inisjatyf fan stichting It Sil Heve. Dêrom ferwize wy jo nei de webside fan de stichting.

Deze vindt u op de website van stichting It Sil Heve.

As jo it ûndersteande alle trije folbrocht hawwe, komme jo yn'e beneaming foar in Alvestêdebrevet:

• De Alvestêdetocht op redens (de tocht fan ien dei, útskreaun troch Koninklijke Vereniging De Friesche Elf Steden)
• De Alvestêdetocht op de fyts (de Alvestêdetocht op Pinkstermoandei, útskreaun troch Stichting de Friese Elfsteden Rijwieltocht)
• De fiifdaagse Alvestêdekuiertocht (de tocht yn de wike fan Himelfeart, útskreaun troch Stichting Elfsteden Wandeltocht)

Fia de webside fan de Friese Elf Steden Rijwieltocht kinne jo it brevet oanfreegje.

As jo nei de winter (nei 1 april) op jo persoanlike side ynlogge, sille jo gjin start- en ynskriuwgegevens mear oantreffe. Dit komt omdat wy dan alwer dwaande binne mei de tariedingen foar it kommende winterseizoen. De nije start- en ynskriuwgegevens sille yn novimber pleatst wurde op jo persoanlike side en sille jo ek oantreffe yn de brief dy't jo alle jierren ein novimber ûntfange by de Alvestêdebrief en de útnûging foar de Algemiene Ledegearkomste.

Dat is spitigernôch net mooglik. Alle jierren sil krekt foar de ynkassoronde it tal opsizzingen en omsettingen besjoen wurde (ein septimber/begjin oktober). It tal frijfallen plakken sil ynnaam wurde troch de wachtlistleden op folchoarder fan binnenkomst. Mei oare wurden; binne der 25 opsizzingen, dan sille de earste 25 minsken op de wachtlist promovearre wurde ta ridend lid. Der binne 30.000 startplakken beskikber en we witte út ûnderfining dat der likernôch 80% fan de startgerjochtigden foar it ljocht komt by in Alvestêdetocht. 80-90% is ek it maksimale oantal dat wy hawwe kinne op it iis. Wy sille de net ynnommen startplakken net oanfolje mei wachtlistleden.

Dat kin fia de oanmeldformulieren dy't op ús webside neamd steane (de reedrydfeardigensferklearring hoecht net ynfolle te wurden). Jo wurde dan net-ridend lid fan ús feriening. Jo kinne ek in mail of brief stjoere mei dêryn jo folsleine namme- en adresgegevens.

Ek minsken mei in bûtenlânske nasjonaliteit sille lid fan ús feriening wêze moatte om meidwaan te meien oan de Alvestêdetocht op redens.

Jo kinne yn dit gefal folstean mei it oanjaan fan jo lidnûmer en it setten fan jo hantekening op de reedrydfeardigensferklearring. Jo moatte wol by de feriening efkes oanjaan dat jo jo lidmaatskipskaart kwytrekke binne.

As lid fan ús feriening meie jo op syn meast twa kear jiers in reedrydfeardigensferklearring ûndertekenje. Betingst is wol dat jo hiel goed ynskatte moatte kinne of dejinge om wa't it giet by steat is om 200 kilometer op ien dei te riden. It ferieningsjier rint fan 1 augustus oant en mei 31 july.

Ja, dat is tastien.

Om lid fan ús feriening wurde te kinnen, moatte jo op de dei fan ynskriuwing op syn minst 18 jier âld wêze. Boppedat moatte jo in reedrydfeardigensferklearring hawwe dy't ûndertekene is troch twa hjoeddeiske leden fan'e feriening en dy't ferklearje kinne dat jo by steat binne om in tocht fan 200 kilometer op ien dei te folbringen. Mear ynformaasje en de oanmeldingsformulieren fine jo fia dizze link.

Elkenien dy't nei 1 juny 2014 lid fan ús feriening wurden is, wurdt op de wachtlist pleatst. Dizze list wurdt ôfwurke op folchoarder fan binnenkomst. Alle jierren wurdt it tal opsizzingen besjoen krekt foar de ynkassoronde. As der op dat stuit bygelyks 50 opsizzingen binne, dan skowe de earste 50 leden fan de wachtlist troch en wurde dan ridend lid.

Op grûn fan de privacywetjouwing meie wy gjin gegevens fan ús leden oan tredden jaan. Dêrom sille jo yn jo eigen netwurk op syk gean moatte nei twa leden fan ús feriening.

As der by de hiele rûte 15 sintimeter iis leit. Trije dagen foar de start wurdt dit bekend makke. 1 dei foar de start is de ynskriuwingsdei dêr't alle dielnimmers harren offisjeel op ynskriuwe.

Wedstriid manlju: 05.15 oere

Wedstriid froulju: 05.30 oere

Toerriders: Nei de start fan de wedstriid froulju meie de earste tochtriders (1-1200) fuortgean nei tastimming fan de wedstriidlieding (05.40 oere).

Dat wie yn 1997. Der hawwe 15 west, yn 1909 wie de earste Alvestêdetocht.

Oan'e iene kant tradysje, mar ek by de wedstriid allinnich  foar it publyk is al 15 sintimeter iis fanneden. En alle helptsjinsten (plysje ensafuorthinne) sille der ek wêze moatte, dy ynset kinne wy net twa dagen claime.

Nee. Yn gjin gefal wurdt der reklame makke lâns de rûte en der wurde gjin oerienkomsten makke mei kommersjele partijen. Fansels binne der wol saaklike ôfspraken mei partijen foar materiaal dat nedich is om de tocht te realisearjen, lykas de hier fan drangstekken om mar in foarbyld te neamen. Mar dit binne gewoan saaklike ôfspraken.

Likernôch 32.000

In rider moat selsfoarsjennend wêze om't it echt net mooglik is om jo frij troch Fryslân te bewegen op it wegennetwurk. De ferwachting is dat jo dan meastal fêst komme te stean.

Jo kinne allinnich meidwaan oan de wedstriid as lid fan de feriening en as jo op de dielnamelistêsten fan de KNSB steane.

Jo sille mei de bussen dy't troch de feriening regele binne, ferfierd wurde nei de Elfstedenhal. Jo moatte jo hjir út skriuwe. Dit dogge jo troch it ynleverjen fan jo startkaart. Jo sille in bewiis krije fan ynlevering fan jo startkaart.